وصفة زيت كركار لتنعيم وفرد الشعر

ياترى فى حد جرب زى وصفه زيت كركار
واللى تحب تعرف الوصفه واسعار الحاجات اللى استخدمتها فى الوصفه

الوصفه مكوناتها

الودك
+
قرنفل
+
زيت سمسم

طبعا انا اقعدت ادور على ايه هو الودك فهمت انه الشحم
بس معرفتش اوصل لمعلومات اكتر

بس لاقيت طريقة تانيه
وانك تستبدلى الودك ب عسل نحل او شمع العسل
انا عملت الوصفه اللى هى بالعسل بديل الودك

جبت زيت سمسم من العطار العلبه ب 3 جنيه ونص

وجبت بجنيه قرنفل

وطبعا ممكن تستخدمى عسل نحل
او تشترى شمع عسل
شمع العسل النص كيلو ب 13 جنية
جبيه من اى محل بيبع عسل نحل

طريقه عمل الوصفه

تجيبى معلقه قرنفل وتنقعيها فى مج فيه مياة من الحنفيه لمده
3 ساعات

وبعد كده تصفى الميه من القرنفل وتحتفظى بيها

تجيبى طبق وتحطى فيه الميه اللى كانت منقوعه فى القرنفل
وتحطى عليها كميه من شمع العسل او 4 معالق اكل كبيرة من العسل
وتحطيها على نار هاديه وتقلبى لحد لما الشمع يسيح او العسل يسيح
وبعدها تحطى 3 او اربع معالق شاى من زيت السمسم
وتفضلى تقلبى لحد لما الميه كلها تتبخر
وهيفضل فى الاخر ماده شبه الزيت كده وهتبقى حبه صغيره
تسبيها تبرد وتحطيها فى اى ازازه عندك
وتدهنى بيها شعرك

وبعد ما تدهنى شعرك لفيه طقيه او هاتيه على قدام كله واربطيه بتوكه
وبعد كام ساعه سريحه لوراه
وشوفى النتيجه تحفه والله