طريقة تسليم كل مرحلة من الثلاثة على حدا

السلام عليكم ورحمة الله وبركاتة

انا حبيت اعمل الموضوع دا بناء على خبرتى فى اجراءات ابنى بيتك من الالف الى الياء
وربنا يعينكم زى ماكان سند ليا نبداء مع بعض:
تسليم المرحلة الاولى:
تسلم المرحلة الاولى بعد اتمام القواعد والاعمدة فقطكما بالصورة

تاخد الورقتين الزرقاوتين وتذهب الى الجهاز وهيدولك ميعاد للمعاينة 
وهتروح فية وربنا معاك وان شاء الله هيمضى ويتقبل بس اديلة الشاى
عشان تخلص كلنا عملنا كدا كدا تسليم اول مرحلة انتهى ومبروك.
تسليم المرحلة الثانية: 
المرحلة التانية بقى ياسيدى بتعمل قصة الردم  وتقفل الحوائط
ثم تصب السقف لحد هنا تمام كدا بيستلمو المرحلة التانية 
بس نصيحة قبل ماتردم بعد ماتعملقصة الردم وقبل ماتردم اعزل
ببتومين عشان المستقبل كما بالصورة البيت اللى بيتصبلة السقف

بتاخذ الورقتين الصفراوتين وتذهب ايضا للجهاز ونفس المرحلة الاولى بيحصل هنا بالضبط
وربنا يعينكم.
تسليم المرحلة الثالثة:
فى المرحلة الثالثة والاخيرة ربنا يقويك وتوصل لها طبعا انا بختصر جدا 
كل مرحلة وليها مشاكلها وخصوصا مع المقاولين والبنائين والمون
المهم فى هذة المرحلة بنبى السور طبعا ويستحسن يبنى بعد الانتهاء
من المرحلة الثانية عشان تعرف تدخل مونك وبتمحر من الخارج فقط
والسور طبعا وقبل المحارة بتركب الحلوق الخشب وبعدين تديها اللون المطلوب
حسب النموذج بتاعك زى كدا بس طبعا دور ارضى بس ربنا يوفق الجميع ويوصل لكدا

وبتاخد بقى اخر ورقتين اللى هما البمبى وبتلف بردو نفس اللفة اهم حاجة ياجماعة
تروح فى المواعيد بتاعتك عشان الدعم متنساش مواعيدك وضبطها
وكل مرحلة بيتصرف الدعم فى خلال شهرين من تاريخ المعاينة
ويارب يعنكم كلكم وتسلمو فى مواعيدكم ويسد عن كل مديون يارب
ملحوظة: اى استفسار انا تحت امركم وياريت اللى يعجبة الموضوع يحط تعليق
وانتظرو منى الجديد انتم عارفين كلنا بقينا خبرة فى ابنى بيتك